Bulvarda yenidən söküntü işləri aparılır.
ANS PRESSin məlumatına görə, Dənizkənarı Milli Parkın ərazisininin müəyyən hissələrində daşlar sökülür.
Dənizkənarı Bulvar İdarəsinin rəis müavini Nazim Məcidov ANS PRESS-ə verdiyi açıqlamasında bildirib ki, söküntü Milli Parkda təmir işlərinin aparılması ilə əlaqədardır.
Onun sözlərinə görə, bulvarda hər il təmir işləri aparılır:
"Daşların bəziləri sınıb, bəziləri köhnəlib. Buna görə də bulvarda hər il təmir işləri olur".
O həmçinin qeyd edib ki, təmir işləri hər il planlı şəkildə qışda aparılır: "Yayda təmir etmək mümkün olmur. Çünki yayda bulvarda insan çox olur. Ona görə də onların istirahətinə mane olmamaq üçün təmir qışda edilir və hər qış bu təkrarlanacaq".
