Dörd dövlətin PLANI, Azərbaycan təkcə YEDDİ RAYONU... – GÜNÜN SİYASİ XÜLASƏSİ
Paylaş
141 baxış·5 dəq oxu
ATƏT Dağlıq Qarabağ münaqişəsinin nizamlanması
prosesində yaradılmış imkanlardan istifadə edəcək. Türkiyə Silahlı
Qüvvələri böyük hərbi təlimə hazırlaşır. Türkiyə “S-400”
zenit-raket komplekslərindən imtina barədə şərti irəli sürülərsə,
ABŞ-dan “Patriot” sistemləri almayacaq. ABŞ və Fransa qoşunların
Suriyadan çıxarılacağı barədə bir-birinin ardınca açıqlamalar
verib. Rusiya ilə danışıqlarda söhbət iki dövlətin birləşməsindən
getmir.
ATƏT Dağlıq Qarabağ münaqişəsinin nizamlanması
prosesində yaradılmış imkanlardan istifadə edəcək.
Bunu ATƏT-in hazırkı sədri, Slovakiyanın xarici işlər naziri
Miroslav Layçak Vyanada brifinq zamanı deyib.
O qeyd edib ki, ATƏT regionunda və ümumiyyətlə, bütün dünyada
əsas problemlər daha çox əməkdaşlıq və dialoq aparılmasını tələb
edir:
“Slovakiya 2019-cu ildə ATƏT-də sədrliyi zamanı tərəfdaş və
vasitəçi rolunda ədalətli olmaq istəyir. Biz diqqətimizi
münaqişələrin həllində vasitəçilik və münaqişələrin qarşısının
alınması, həmçinin onların insanlara təsiri məsələlərinə
cəmləyəcəyik. Dnestryanı, Dağlıq Qarabağ münaqişələrinin
nizamlanması prosesində yaradılmış imkanlardan istifadə etmək
istiqamətində işimizi davam etdirəcəyik”.
“ABŞ və Böyük Britaniya Ermənistanda yüksək fəallıq
göstərir. Bu neqativ haldır. Çünki Rusiya ilə hərbi əməkdaşlığın
itirilməsi avtomatik olaraq Dağlıq Qarabağın Azərbaycana
qaytarılması ilə nəticələnəcək. Ermənistanın indiki hakimiyyəti
bunu anlamır”. Bu barədə ermənipərəst mövqeyi ilə
tanınan rusiyalı hərbi ekspert Vladimir Yevseyev deyib.
Bu, Qarabağın qaytarılması ilə nəticələnəcək... - Rusiyadan SENSASİON XƏBƏRDARLIQ
Türkiyə Silahlı Qüvvələri böyük hərbi təlimə
hazırlaşır. TSQ ilk dəfə Türkiyəni əhatə edən bütün
dənizlərdə nəhəng təlimlərlə güc nümayişi edəcək.
27 fevral-3 mart tarixləri arasında 462 min km ərazidə baş
tutacaq “Mavi vətən” təlimlərinə Hərbi-Dəniz Qüvvələri ilə yanaşı,
Quru və Hava Qüvvələri də qatılacaq. Yunanıstanın türk ordusuna
həqarətli sözlərinin cavabı olaraq aparılacaq təlimlər rəsmi
Afinanın iddia etdiyi mübahisəli bölgələri də əhatə edir.
“Mavi vətən 2019” eyni zamanda, Aralıq dənizində bir müddətdir
ki, təlimlər keçirən Misir, Yunanıstan, İsrail və Cənubi Kiprə göz
dağı olacaq.
Türkiyə “S-400” zenit-raket komplekslərindən imtina
barədə şərti irəli sürülərsə, ABŞ-dan “Patriot” sistemləri
almayacaq. Bu haqda NTV telekanalının efirində
Türkiyənin Xarici İşlər Nazirliyinin başçısı Mövlud Çavuşoğlu
bildirib.
“Türkiyə gələcəkdə “Patriot” sistemlərini əldə edə bilər, amma
bunu “S-400”-lərdən imtina şərti irəli sürülməsi halında mümkün
hesab etmir”, - Çavuşoğlu deyib.
Türkiyənin xarici işlər naziri Mövlud Çavuşoğlu
Suriyada baş verən son hadisələr və ABŞ-ın bölgədən geri çəkilməsi
ilə bağlı sualları cavablandırıb.
“Uzun müddətdir ki, ABŞ-dan terrorçulara dəstək verməməyi
istəyirik. Biz Fəratın şərqinə hərəkata başlayacağıq deyəndən sonra
ABŞ Suriyadan çəkiləcəyini açıqladı. ABŞ-ın təhlükəsizlik
qüvvələrinin rəhbərləri bu çəkilmə məsələsindən yan keçməyə
başladılar. Əvəzində nə dedilər: “Türklər kürdləri qətlə
yetirməsin”. Biz daha əvvəl də Afrin əməliyyatını keçirmişik. Niyə
onda yox, indi danışırlar?
Nəhəng bir dövlətin NATO müttəfiqliyimizə və əməkdaşlıqlarımıza
rəğmən, bir terror təşkilatına sığınması doğru deyil. Rəcəb Tayyib
Ərdoğan da bir söz verdisə, onu tutacaq. Münbiç yol xəritəsinin
tətbiq edilməsi və Fəratın şərqindəki YPG-nin tamamilə çəkilməsi
önəmlidir. Biz bu işin arxasınca getməyi heç zaman buraxmadıq.
Bizim YPG-yə qarşı hərəkatımız ABŞ-ın geri çəkilməsinə bağlı deyil.
İndi ABŞ çəkiləcəyini deyir, amma ortada çəkilməməsi üçün
çalışanlar var. Donald Trampın verdiyi söz bizim üçün keçərlidir.
Bolton və digərləri isə çəkilməməklə bağlı üstüörtülü açıqlamalar
verir. Burada Trampın verdiyi söz bəllidir”, - Çavuşoğlu qeyd
edib.
Suriyadakı kürd hərbi dəstələri Rusiyaya müraciət
edərək Suriya hökumətiylə müqavilə imzalanmasına yardım etməsini
istəyiblər. Bu məlumatı “Vaşinqton Post” qəzeti
özünün etibarlı mənbələrinə istinadən yayıb. Qəzet kürdlərin bunun
sayəsində Türkiyə tərəfindən olacaq hücumun qarşısını almağa
çalışdıqlarını bildirib.
ABŞ-ın çətiri altında Suriyaya hərbi birliklər
göndərən, amma istədiklərini əldə edə bilməyən Səudiyyə Ərəbistanı,
Birləşmiş Ərəb Əmirlikləri (BƏƏ) və Misir fətvadan istifadə etməyə
başlayıb.
Türkiyəni fətva ilə vuracaqlar: 4 dövlətin XAİN PLANI ORTAYA ÇIXDI
ABŞ və Fransa qoşunların Suriyadan çıxarılacağı
barədə bir-birinin ardınca açıqlamalar verib. ABŞ-ın
dövlət katibi Mayk Pompeo Misir səfəri zamanı verdiyi açıqlamasında
ölkəsinin İŞİD-lə mübarizəni davam etdirəcəyini və ordunun
Suriyadan çıxarılacağını söyləyib.
“ABŞ Yaxın Şərqdə qərarlı bir tərəfdaş olaraq qalacaq”, - Pompeo
deyib.
Fransanın Avropa və xarici işlər naziri Jan-İv Lö Drian isə
Suriyada siyasi həll tapılandan dərhal sonra bu ölkədən
çıxacaqlarını açıqlayıb.
“İraqda hərbi olaraq mövcuduq. Suriyada da bir az hərbi
varlığımız var. Rusiya Suriya münaqişəsinə siyasi həll tapılmasına
görə məsuliyyət daşıyır”, - nazir ölkəsinin “C-News” telekanalına
müsahibəsində söyləyib.
ABŞ Müdafiə nazirinin səlahiyyətlərinin müvəqqəti
icraçısı Patrik Şanaxan F-35 təyyarəsini sərt tənqid
edib. Bu məlumatı “Politiko” qəzeti özünün etibarlı
mənbələrinə istinadən yayıb.
Məlumata görə, Pentaqonun yüksək vəzifəli rəsmiləri ilə görüşdə
Şanaxan F-35 layihəsinin uğursuzluğa düçar olduğunu və “Lokhid
Martin” şirkətinin bu proqramı artıq necə reallaşdıracağını
bilmədiyini deyib. Şanaxan həmçinin proqramın gerçəkləşdirilməsi
üçün nəzərdə tutulan maliyyənin ABŞ-ın təmin edə bilməyəcəyi
səviyyədə olduğunu bildirib.
Rusiya ilə danışıqlarda söhbət iki dövlətin
birləşməsindən getmir. Bu haqda Minskdə müşavirədə
Belarus prezidenti Aleksandr Lukaşenko bildirib.
Belarus Rusiya ilə birləşəcək? – Lukaşenko NÖQTƏ QOYDU
Rusiya Qərb istiqamətində yeganə müttəfiqini itirə
bilər. Bu haqda Minskdə müşavirədə Belarus prezidenti
Aleksandr Lukaşenko bildirib.
Lukaşenkodan Moskvaya AÇIQ TƏHDİD: Qərb istiqamətində...
