Bakı, 13 noyabr, AZƏRTAC
Livanın paytaxtı Beyrutda törədilmiş iki terror aktı nəticəsində 43 nəfər ölüb.
AZƏRTAC BBC-yə istinadla xəbər verir ki, bunu ölkənin səhiyyə naziri Vael Əbu Faur deyib. Onun sözlərinə görə, yaralıların sayının çox olması ölənlərin sayının artacağını göstərir. Hadisənin İŞİD terrorçuları tərəfindən törədildiyi ehtimal olunur.
Livan hökuməti hadisə ilə bağlı matəm elan edib.
