Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

Yasmina Mixayloviç: Bakı sanki “Min bir gecə” nağıllarından çıxmış Nyu-Yorkdur

Yasmina Mixayloviç: Bakı sanki “Min bir gecə” nağıllarından çıxmış Nyu-Yorkdur

Date: 2 December 2015 15:38


Moskva, 2 dekabr, AZƏRTAC
Mən Azərbaycana vurğunam. Mən orada olmuşam, təkcə Bakıda deyil, başqa yerlərində də. Bura qeyri-adi diyardır. Serbiyadakı qədər əhali yaşayır, ancaq dağlar da var, meşə də var. Bu sözləri Bi-Bi-Si-nin Rus xidmətinə müsahibəsində tanınmış serb yazıçısı, “Xəzər lüğəti”, “Əbədiyyət və daha bir gün”, “Konstantinopolda sonuncu məhəbbət”, “Çay ilə çəkilmiş mənzərə”, “Başqa bədən” kimi əsərlərin müəllifi Milorad Paviçin dul xanımı, yazıçı və ədəbiyyatşünas Jasmina Mixayliviç səsləndirib.
Jasmina Mixayloviç bu yay Azərbaycanda olub və müəyyən mənada avtobioqrafiq olan sonuncu əsərini - “Xəzər dənizinin sahilində” kitabını yazıb.
Bakıya ilk dəfə Serbiya nümayəndə heyəti ilə birlikdə 2012-ci ildə “Eurovision” Beynəlxalq mahnı müsabiqəsinə gələn Y.Mixayloviç müsahibəsində deyib: “Azərbaycan barədə heç nə bilmirdim və düşünürdüm ki, Bakı sosializm üslubunda binaları olan kiçik müsəlman şəhəridir. Amma o, məni heyran və mat etdi. Bu il isə Bakıya Tbilisidən gəldim. Tbilisidə mənim kitabım və həyat yoldaşımın kitabları çapdan çıxmışdı. Beləcə, iki ildən sonra yenə də Bakını gördüm. Əsl Nyu-York idi, amma “Min bir gecə” nağıllarından çıxmış Nyu-York”.
Bakını sevimli Vrşats şəhəri ilə müqayisə edən yazıçı deyir: “Orada da külək əsir, amma Karpatdan əsir. Bu, slavyan vətənimin ətridir. Eynən həmin məstedici rayihədir. Bakıda bu rayihəyə dənizin və dağların ətri qarışıb. Qeyri-adi rayihədir – onda insanın hisslərini coşduran nəsə var. Bu külək mənə başqa mədəniyyətdən nəsə danışdı, buranın Avrasiya olduğunu dedi. Mən ikinci vətənimin ətrini duydum”.

Fəridə Abdullayeva
AZƏRTAC-ın xüsusi müxbiri
Moskva

Tags:  Yasmina Mixayloviç Bakı Min gecə nağıllarından çıxmış Nyu-Yorkdur


RƏYLƏR


Top news