Bakı, 3 dekabr, Elvin Camalov, AZƏRTAC
Dekabrın 3-də Türkiyənin Van şəhərinə yağan qar nəticəsində bütün aviauçuşlar ləğv edilib.
AZƏRTAC “airporthaber.com” saytına istinadla xəbər verir ki, “Türk Hava Yolları”nın uçuşları ləğv etməsindən sonra “Pegasus” aviaşirkəti də Vana olan bütün reysləri ləğv edib.
Qeyd edək ki, Vanda yağan qarın qalınlığı 30 santimetrə çatıb və bir çox yollarda nəqliyyatın hərəkəti iflic vəziyyətə düşüb.