Aktual mövzular: Dollar alış-satışı , Hava, Məzənnə, Neftin qiyməti

Azərbaycanın Misirdəki səfirliyi mədəniyyət festivalında iştirak edib

Azərbaycanın Misirdəki səfirliyi mədəniyyət festivalında iştirak edib

Özbəkistanda "Müasir Azərbaycan poeziyası antologiyası" kitabını özbək dilində çap edilib (02 Mart 2017 20:52)
"Yol əhvalatı" filmi özbək dilinə dublyaj olunub (09 Fevral 2017 14:27)
"Yol əhvalatı" kinokomediyası özbək dilinə dubliyaj olundu (09 Fevral 2017 14:17)

Tarix: 3 Dekabr 2015 21:58


Qahirə, 3 dekabr, AZƏRTAC
Misirin ilk özəl universiteti sayılan, 40 mindən çox tələbəsi olan “6 Oktyabr” Universitetinin keçirdiyi doqquzuncu mədəniyyət festivalında Azərbaycanın Misirdəki səfirliyi də iştirak edib.
Mədəniyyət festivalında ABŞ, Yaponiya, Çin, Pakistan, Səudiyyə Ərəbistanı, İndoneziya, Tailand, İraq, Liviya, Suriya, Yəmən, Fələstin, Almaniya, İordaniya, Peru, Livan, Bəhreyn, Nigeriya, Küveyt, Somali və digər ölkələrin mədəniyyətlərini əks etdirən sərgilər təşkil olunub.
Azərbaycana aid sərgidə ölkəmizin mədəniyyətini əks etdirən musiqi alətləri, geyimlər, kitablar və s. nümayiş etdirilib. Sərgimizi ziyarət edən “6 Oktyabr” Universitetinin rektoruna, müəllim heyətinə, xarici qonaqlara və universitet tələbələrinə səfirliyin əməkdaşları tərəfindən ölkəmiz haqqında məlumat verilib və onlara Azərbaycan mədəniyyəti, tarixi, Ermənistan-Azərbaycan, Dağlıq Qarabağ münaqişəsindən bəhs edən müxtəlif kitablar hədiyyə edilib. İki gün ərzində davam edən festival zamanı on minə yaxın tələbə Azərbaycan sərginin qonağı olub.
Festivalın sonunda təşkil edilmiş tədbirdə Azərbaycanın mədəniyyətini, tarixini, müasirliyini əks etdirən 20 dəqiqəlik videofilm nümayiş etdirilib ki, bu da qonaqların diqqətini xüsusilə cəlb edib. Azərbaycanın ərəb və İslam dünyası ilə sıx əlaqələrinin olduğu bildirilib, ölkədə milli və dini tolerantlığın yüksək səviyyədə olduğu vurğulanıb. Azərbaycan Prezidenti İlham Əliyevin Fransada UNESCO-nun tədbirində çıxışı zamanı söylədiyi fikirlərə istinad edilərək, İslam dininin terrorla heç bir əlaqəsinin olmadığı, terrorun dininin və milliyyətinin olmadığı, Azərbaycanın özünün də terrordan əziyyət çəkən ölkə olduğu diqqətə çatdırılıb.
Asya Hacızadə
AZƏRTAC-ın xüsusi müxbiri
Qahirə



Teqlər:  Azərbaycanın Misirdəki səfirliyi mədəniyyət festivalında iştirak edib



RƏYLƏR


Top xəbərlər