Aktual mövzular: Dollar alış-satışı , Hava haqqında, Məzənnə, Neftin qiyməti

Əhməd Davudoğlu: TANAP layihəsi 2018-ci ildən daha tez reallaşacaq

Əhməd Davudoğlu: TANAP layihəsi 2018-ci ildən daha tez reallaşacaq

Berat Albayrak: TANAP to be completed by 55 percent until year-end (09 November 2016 12:46)

Date: 4 December 2015 10:53


Bakı, 4 dekabr, AZƏRTAC
Trans-Anadolu qaz boru kəməri – TANAP layihəsi nəzərdə tutulduğu kimi, 2018-ci ildə deyil, daha tez reallaşa bilər.
AZƏRTAC xəbər verir ki, bu sözləri Türkiyənin Baş naziri Əhməd Davudoğlu dekabrın 3-də Bakıda Azərbaycan Respublikasının Prezidenti İlham Əliyev ilə birgə mətbuata bəyanatla çıxış edən zaman deyib.
“Bu gün keçirdiyimiz görüşlərdə, apardığımız müzakirələrdə energetika nazirlərimiz TANAP layihəsinin nəzərdə tutulduğu kimi, 2018-ci ildə deyil, daha tez reallaşması üçün razılığa gəldilər. Gecə-gündüz çalışacağıq, Türkiyə Respublikasının sərhədləri daxilində TANAP layihəsi üçün nə lazımdırsa ediləcək. Bu işlər Azərbaycanda da eyni qaydada görüləcək. Çünki TANAP və Bakı-Tbilisi-Ceyhan iki böyük layihə olaraq neft və təbii qaz ehtiyatlarının Xəzərdən Aralıq dənizinə və Avropaya çatdırılmasında əsas kanallardır. TANAP-ın TAP ilə tamamlanması Avropa daxilində balanslaşmaya da təsir edəcək”, – deyə Əhməd Davudoğlu bildirib.
Qeyd edək ki, TANAP Türkiyənin Gürcüstanla sərhədindəki Ardahan vilayətinin Posof mahalından başlayaraq 21 vilayətdən keçməklə qardaş ölkənin Yunanıstanla sərhədindəki Ədirnə vilayətinin İpsala qəsəbəsinədək uzanacaq. Boru kəmərinin 2018-ci ildə istismara verilməsi planlaşdırılır. TANAP-la Avropaya 10 milyard, Türkiyəyə isə 6 milyard kubmetr Azərbaycan qazının nəqli nəzərdə tutulur. İlkin ötürücülük qabiliyyəti ildə 16 milyard kubmetr olacaq kəmərin bu tutumunun 2023-cü ildə 23 milyard kubmetrə və 2026-cı ildə isə 31 milyard kubmetrə çatdırılması nəzərdə tutulur.
“Cənub” qaz dəhlizinin ən uzun hissəsini təşkil edən TANAP Cənubi Qafqaz Boru Kəmərindən alacağı təbii qazı 2020-ci ilin əvvəlindən etibarən “Trans-Adriatik” (TAP) boru kəmərinə qoşularaq Yunanıstan, Albaniya və İtaliyadan keçməklə Avropaya çatdıracaq.
TANAP-ın səhmdarlarının bu layihədə payı belədir: “Cənub” qaz dəhlizi” Qapalı Səhmdar Cəmiyyəti (QSC) - 58 faiz, “Botaş” - 30 faiz və bp şirkəti - 12 faiz.
 

Tags:  Əhməd Davudoğlu TANAP layihəsi 2018-ci ildən tez reallaşacaq



RƏYLƏR


Top news