Aktual mövzular: Dollar alış-satışı , Hava, Məzənnə, Neftin qiyməti

Topaz Premyer Liqasında XV tura iki oyunla yekun vurulacaq

Topaz Premyer Liqasında XV tura iki oyunla yekun vurulacaq

"Qarabağ" və "Qəbələ" xal itirdi (19 Mart 2017 23:10)
“Qəbələ” də xal itirdi, “Qarabağ” da (19 Mart 2017 21:48)
Liderlərin qiyabi mübarizəsi (19 Mart 2017 11:22)

Tarix: 7 Dekabr 2015 12:58


Bakı, 7 dekabr, AZƏRTAC
Dekabrın 7-də futbol üzrə Topaz Premyer Liqasının XV turuna yekun vurulacaq.
AZƏRTAC xəbər verir ki, son iki qarşılaşma Bakı və Sumqayıtda keçiriləcək.
Günün ilk matçında “Sumqayıt” Gəncənin “Kəpəz” klubunu qəbul edəcək. Baş məşqçi Samir Abasovun yetirmələri 3 xal qazanacağı təqdirdə turnir cədvəlinin son üçlüyündən aralaşacaq. “Kəpəz” isə qələbə sayəsində xalları bərabər olan “Neftçi”ni qabaqlaya bilər.
Turun son görüşü isə autsayderlərin “duel”i ilə əlamətdar olacaq. “Rəvan” “Bayıl Arena”da AZAL-ı qəbul edəcək.
Qeyd edək ki, turun əvvəlki görüşlərində “Qəbələ” səfərdə "Xəzər-Lənkəran”ı, “Qarabağ” isə evdə “İnter”i 1:0 hesabı ilə məğlub edib. “Neftçi”-“Zirə” görüşündə isə 1:1 hesablı bərabərlik qeydə alınıb.
Hazırda turnir cədvəlinə 35 xalla “Qarabağ” başçılıq edir. İkinci pillədə 27 xalla “Qəbələ” qərarlaşıb. İlk üçlüyü tamamlayan “Zirə”nin aktivində isə 25 xal var.

Teqlər:  Topaz Premyer Liqasında XV tura iki oyunla yekun vurulacaq



RƏYLƏR


Top xəbərlər