Aktual mövzular: Dollar alış-satışı , Hava haqqında, Məzənnə, Neftin qiyməti

İlham Əliyev dövlətin büdcəsini təsdiqlədi (CƏDVƏL)

İlham Əliyev dövlətin büdcəsini təsdiqlədi (CƏDVƏL)

Date: 7 December 2015 22:21

Azərbaycan prezidenti İlham Əliyev 2016-cı il dövlət büdcəsini təsdiqləyib.

ANS PRESS-in məlumatına görə, gələn ilin dövlət büdcəsinin gəlirləri 14 566 000,0 min manat, xərcləri 16 264 000,0 min manat (o cümlədən mərkəzləşdirilmiş gəlirləri 13 799 654,5 min manat, yerli gəlirləri 766 345,5 min manat, mərkəzləşdirilmiş xərcləri 14 722 749,0 min manat, yerli xərcləri 1 541 251,0 min manat) məbləğində təsdiq edilib.

Dövlət büdcəsi kəsirinin yuxarı həddi 1698 000,0 min manat, icmal büdcəsinin xərclərinin yuxarı həddinin məbləği 19 956 524,8 min manat məbləğində müəyyənləşdirilib.

Dövlət Neft Fondunun gəlirləri nəzərə alınmadan, Azərbaycan Respublikasının 2016-cı il icmal büdcəsinin kəsiri 9 947 954,7 min manat məbləğində müəyyən olunub.


"Gələn ilin dövlət büdcəsi ilə ətraflı bu linkdən tanış ola bilərsiniz"



Prezident “Azərbaycan Respublikasında 2016-cı il üçün yaşayış minimumu haqqında” 2015-ci il 20 oktyabr tarixli Qanununun tətbiqi barədə sərəncam imzalayıb.

2016-cı il üçün yaşayış minimumu ölkə üzrə 136 manat, əmək qabiliyyətli əhali üçün 146 manat, pensiyaçılar üçün 115 manat, uşaqlar üçün 117 manat məbləğində müəyyən edilir.

Bundan əvvəl yaşayış minimumu ölkə üzrə 131 manat, əmək qabiliyyətli əhali üçün 140 manat, pensiyaçılar üçün 108 manat, uşaqlar üçün isə 108 manat idi.

Bu qanun 2016-cı il yanvarın 1-dən qüvvəyə minir.

Dövlət başçısı, həmçinin “Azərbaycan Respublikasında 2016-cı il üçün ehtiyac meyarının həddi haqqında” 2015-ci il 20 oktyabr tarixli Qanununun tətbiqi barədə sərəncam imzalayıb.

Ünvanlı dövlət sosial yardımının təyin edilməsi məqsədilə 2016-cı il üçün ehtiyac meyarının həddi 105 manat məbləğində təsdiq edilib.

Tags:  İlham Əliyev dövlətin büdcəsini təsdiqlədi CƏDVƏL


RƏYLƏR


Top news