Lissabon, 10 dekabr, AZƏRTAC
Portuqaliyanın sosialistlər tərəfindən qurulmuş yeni hökuməti ölkədə minimum əmək haqının artırılması barədə planını açıqlayıb. Antonio Kostanın rəhbərliyi altında hökumət 2019-cu ilədək bu rəqəmi 600 avroya çatdırmaq niyyətindədir.
Hazırda 505 avro olan minimum əmək haqqının 2016-cı ildən 530 avro müəyyənləşdiriləcəyi nəzərdə tutulub.
Xatırladaq ki, Portuqaliya Avropa İttifaqında minimum əmək haqqı məbləğinə görə Polşa, Slovakiya, Litva kimi ölkələrdən öndə olsa da, Qərbi Avropada ən aşağı göstəriciyə malikdir.
Aygün Əliyeva
AZƏRTAC-ın xüsusi müxbiri
Lissabon
