Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycan nümayəndəsi Beynəlxalq Antikorrupsiya Akademiyasının İdarə Heyətinə üzv seçilib

Azərbaycan nümayəndəsi Beynəlxalq Antikorrupsiya Akademiyasının İdarə Heyətinə üzv seçilib

Date: 10 December 2015 22:08


Vyana, 10 dekabr, AZƏRTAC
Dekabrın 9-dan Vyanada “Beynəlxalq Antikorrupsiya Akademiyasının beynəlxalq təşkilat qismində təsis edilməsi haqqında” Sazişə tərəfdaş dövlətlərin Assambleyasının IV sessiyası keçirilir.
Azərbaycanın Avstriyadakı səfirliyindən bildiriblər ki, sessiyanın açılışı zamanı sədrlik Azərbaycan tərəfindən Nigeriyaya təhvil verilib.
Qeyd edək ki, Assambleyanın III sessiyası 2014-cü il noyabrın 19-dan 21-dək Bakı şəhərində keçirilib və Azərbaycan Respublikasının Baş Prokuroru Zakir Qaralov Assambleyanın sədri seçilib.
Sessiya zamanı təşkilatın İdarə Heyətinə seçkilər keçirilib. Seçkilərdə Azərbaycan tərəfindən Milli Məclisin üzvü Vüsal Hüseynovun namizədliyi irəli sürülüb. Dekabrın 10-da keçirilən seçkilərdə Vüsal Hüseynovun namizədliyi Assambleya tərəfindən dəstəklənib və səsvermə keçirilmədən akklamasiya ilə Azərbaycan nümayəndəsi 6 il müddətinə İdarə Heyətinə üzv seçilib. Azərbaycan ilə yanaşı, Braziliya, Nigeriya, Tayland, İordaniya və Çili namizədləri də Akademiyanın İdarə Heyətinə üzv seçiliblər.
Elgün Niftəliyev
AZƏRTAC-ın xüsusi müxbiri
Vyana

Tags:  Azərbaycan nümayəndəsi Beynəlxalq Antikorrupsiya Akademiyasının İdarə Heyətinə üzv seçilib


RƏYLƏR


Top news