Aktual mövzular: Dollar alış-satışı , Hava haqqında, Məzənnə, Neftin qiyməti

Azərbaycanın bəzi zonalarında və Xəzərdə seysmiklik artıb

Azərbaycanın bəzi zonalarında və Xəzərdə seysmiklik artıb

Date: 11 December 2015 13:12

Bu il ərzində Azərbaycanın şimal zonası - Oguz, Şamaxı-İsmayıllı seysmik zonasında və Şabran və Talış zonasında seysmikliyin artımı müşahidə olunur.

Azərbaycan Milli Elmlər Akademiyası Respublika Seysmoloji Xidmət Mərkəzindən Trend-ə verilən məlumata görə, 2015-ci ildə 2014-cü ilə nisbətən Xəzərin seysmikliyi bir qədər artıb, ayrılan seysmik enerji isə 2 dəfə az olub: "Vəndam, Daşgil-Mudrəsə, Siyəzən, Mahaçqala-Türkmənbaşı, Öntalış uzununa, Tərtər-Oğuz, Girdimançay eninə, Axvay, Taircalçay-Salyan ortoqonal dərinlik qırılmaları istiqaməti boyu aktivləşmə müşahidə olunur. Nisbətən yüksək seysmik aktivlik Böyük Qafqazın cənub-şərq yamacında Oğuz (A10=1.6-2.0), Şəki (A10=1.0), Qəbələ (A10=1.0-1.6), Şamaxı-İsmayıllı (A10=0.4-2.0), Şabran (A10=1.6-1.9), Talış (A10=0.6-1.9) zonalarda müəyyən olunur. Bununla yanaşı, Xəzər dənizində Abşeronun şimal, mərkəzi, cənub hissəsində aktiv sahələr (A10=0.4-1.6), İran zonasında (Təbriz ş.) (A10=0.6-2.0) müşahidə olunur".

Mərkəzdən qeyd edilib ki, respublika ərazisində gərginlik vəziyyəti 2014-cü ilə nisbətən Böyük Qafqazın cənub-şərq yamacında bir qədər azalıb, Kiçik Qafqaz və Talış bölgələrində isə gərgin olaraq qalır.

Milli.Az


Tags:  Azərbaycanın bəzi zonalarında Xəzərdə seysmiklik artıb


RƏYLƏR


Top news