Bakı, 11 dekabr, AZƏRTAC
Azəri-Çıraq-dərinsulu Günəşli (AÇG) yatağının işlənməsi layihəsinin əməliyyatçısı olan bp şirkəti planlaşdırılmış dayandırılma proqramından sonra “Çıraq” platformasından hasilatı dekabrın 10-dan etibarən bərpa edib.
“bp-Azerbaijan” şirkətindən AZƏRTAC-a verilən məlumata görə, proqram üzrə nəzərdə tutulan bütün işlər uğurla və tam təhlükəsiz başa çatdırılıb.
Qeyd edək ki, plana əsasən “Çıraq” platformasından hasilat noyabrın 10-dan etibarən dayandırılmışdı.