Bakı, 11 dekabr, AZƏRTAC
Qiymətli Kağızlar üzrə Dövlət Komitəsi tərəfindən Məlumatların Elektron Açıqlanması Sistemi (MEAS) hazırlanıb. Sistem 2016-cı ildə istifadəyə veriləcək.
Komitədən AZƏRTAC-a bildirilib ki, MEAS emitentlərin (qiymətli kağızı dövriyyəyə buraxan şirkət) qanunvericiliklə açıqlanması tələb olunan məlumatlarının qəbulu, mərkəzləşdirilmiş qaydada saxlanılması və ictimaiyyətə açıqlanması üçün vahid məlumat resursudur. Məlumatların açıqlanması və əldə edilməsi MEAS-ın disclosure.az saytı vasitəsilə həyata keçiriləcək. Sayt Azərbaycan və ingilis dillərində fəaliyyət göstərəcək.
Qeyd edək ki, MEAS “2011-2020-ci illərdə Azərbaycan Respublikasında qiymətli kağızlar bazarının inkişafı” Dövlət Proqramına uyğun olaraq hazırlanıb.