Aktual mövzular: Dollar alış-satışı , Hava, Məzənnə, Neftin qiyməti

Ulu öndər Heydər Əliyevin xatirəsi Ankarada yad edilib

Ulu öndər Heydər Əliyevin xatirəsi Ankarada yad edilib

Beynəlxalq Cüdo Federasiyası rəsmiləri və Azərbaycan Cüdo Federasiyasının kollektivi Fəxri Xiyabanı ziyarət edib (10 Mart 2017 13:02)
Heydər Əliyevin tələbə yoldaşları ilə - FOTOLARI (03 Mart 2017 11:34)
Heydər Əliyevin universitetdə yeni FOTOLARI (03 Mart 2017 09:53)

Tarix: 11 Dekabr 2015 22:08


Ankara, 11 dekabr, AZƏRTAC
Azərbaycanın Türkiyədəki səfirliyi ümummilli lider Heydər Əliyevin vəfatının 12-ci ildönümü ilə əlaqədar Ankarada, Ulu Öndərin adını daşıyan parkda anım mərasimi təşkil edib.
Mərasimdə Türkiyə hökumətinin və parlamentinin üzvləri, Ankarada fəaliyyət göstərən beynəlxalq təşkilatların və diplomatik korpusun təmsilçiləri, şəhərdə təhsil alan tələbələrimiz, Heydər Əliyev Məktəbinin şagirdləri, tanınmış elm və mədəniyyət xadimləri, diasporumuzun və kütləvi informasiya vasitələrinin nümayəndələri iştirak ediblər.
Mərasim iştirakçıları Ulu Öndərin parkdakı abidəsi önünə əklil qoyub, xatirəsini bir dəqiqəlik sükutla yad ediblər. Azərbaycanın və Türkiyənin dövlət himnləri oxunub.
Səfir Faiq Bağırov, Türkiyə Baş nazirinin müavini Toğrul Türkeş, Türkiyə-Azərbaycan parlamentlərarası dostluq qrupunun rəhbəri Necdət Ünüvar, deputat Nurettin Aras, Ankaranın Yenimahalle rayonunun bələdiyyə sədri Fethi Yaşar və başqaları Ümummilli Liderin xilaskarlıq missiyasından, qardaş ölkələrimiz arasındakı münasibətlərin inkişafı üçün göstərdiyi tarixi xidmətlərdən, həyata keçirdiyi nəhəng iqtisadi layihələrin əhəmiyyətindən bəhs ediblər. Diqqətə çatdırılıb ki, siyasi fəaliyyətini qurub-yaratmağa həsr edən Heydər Əliyevin xatirəsi Azərbaycan xalqının qəlbində hər zaman yaşayacaq. Türk dünyasının birliyi naminə böyük işlər görən Ulu Öndər azərbaycançılıq ideologiyasına əbədi həyat verməklə dövlət müstəqilliyimizi xalqımıza əmanət edib.
Türkiyə Böyük Millət Məclisinin sədri İsmayıl Qəhrəmanın tədbirə ünvanladığı müraciət oxunandan sonra iştirakçılar Ulu Öndərin mənalı həyatı və zəngin siyasi fəaliyyətini əks etdirən fotostendlə tanış olublar.
Mərasim “TRT AVAZ”, “TRT HABER” kanalları, Anadolu Agentliyi və digər KİV-lər tərəfindən işıqlandırılıb.
Sabir Şahtaxtı
AZƏRTAC-ın xüsusi müxbiri
Ankara 










Teqlər:  Ulu öndər Heydər Əliyevin xatirəsi Ankarada yad edilib



RƏYLƏR


Top xəbərlər