İraq Hərbi-Hava Qüvvələrinin İraq-Suriya sərhədi yaxınlığında keçirdiyi əməliyyat nəticəsində İŞİD terror qruplaşmasının azı 15 silahlısı məhv edilib və qruplaşmanın lideri Əbu Bəkr Əl Bağdadinin birinci müavini Əbu Əli Əl Anbari yaralanıb.
Milli.Az APA-ya istinadən bildirir ki, İraqın döyüş təyyarələri İŞİD-in Əl-Aş yaşayış məntəqəsi yaxınlığında yerləşən qərargahına zərbələr endirib. "Operativ məlumata əsasən, yaralananlar arasında Əbu Bəkr Əl Bağdadinin birinci müavini Əbu Əli Əl Anbari var. O dərhal Bukemal rayonuna göndərilib. Ölənlər arasında İŞİD-in hərbi komandanlığının 4 üzvü var. Onlardan biri Səllahəddin əyalətində əməliyyatlara rəhbərlik edən İraq ordusunun sabiq zabiti Əbu Qəmam Əl Zobeydidir", deyə DİN-in məlumatında bildirilir.
Milli.Az