Aktual mövzular: Dollar alış-satışı , Hava haqqında, Məzənnə, Neftin qiyməti

Avtobuslarda gediş haqqının artırılması ilə bağlı açıqlama

Avtobuslarda gediş haqqının artırılması ilə bağlı açıqlama

Date: 15 December 2015 08:11

Bayram günlərində Bakıdan rayonlara gedəcək avtobuslarda gediş haqqı biletlərinin qiymətini süni şəkildə artıracaq sürücülərə qarşı sərt tədbirlər görüləcək.

ANS PRESS-in məlumatına görə, bunu Trend-ə açıqlamasında Nəqliyyat Nazirliyi Nəqliyyatı İntellektual İdarəetmə Mərkəzinin (NİİM) mətbuat xidmətinin rəhbəri Şəfa Mehmanqızı deyib.

Onun sözlərinə görə, hər il bayram ərəfəsində olduğu kimi, Yeni ildə də Bakı Beynəlxalq Avtovağzal Kompleksinin ərazisindəki avtobuslara ciddi nəzarət olunacaq:

“Bəzi sürücülərin sərnişin sıxlığından istifadə edərək avtobuslara biletləri süni şəkildə artırmasının bir neçə dəfə şahidi olmuşuq. Ona görə də bu cür addımların qarşısını almaq üçün təxirəsalınmaz tədbirlər görüləcək. Qiymətləri artıran sürücülər Bakı Beynəlxalq Avtovağzal Kompleksinin ərazisinə bir daha buraxılmayacaq”.


Şəfa Mehmanqızı - NİİM-in mətbuat katibi

Ş.Mehmanqızı bəzi sürücülərin bu kələyinə düşməmək üçün sərnişinləri də diqqətli olmağa çağırıb: “Sərnişinlər çalışsınlar ki, biletləri bayramdan əvvəl alsınlar. Hətta biletləri onlayn şəkildə almaları məsləhətdir. Onlayn bilet alışı sərnişinlərin hər hansı fırıldaqdan sığortalanması deməkdir”.

Tags:  Avtobuslarda gediş haqqının artırılması bağlı açıqlama


RƏYLƏR


Top news