Aktual mövzular: Dollar alış-satışı , Hava haqqında, Məzənnə, Neftin qiyməti

Cəlilabadın ucqar dağ kəndinə telefon xətti çəkilir

Cəlilabadın ucqar dağ kəndinə telefon xətti çəkilir

Date: 16 December 2015 20:03


Cəlilabad, 16 dekabr, Bağır Əliyev, AZƏRTAC
Cəlilabad rayonunun ucqar dağlıq ərazisində yerləşən Çünzəli kəndinə telefon xətti çəkilir.
AZƏRTAC xəbər verir ki, 50 təsərrüfatdan ibarət kəndin sakinləri bundan sonra genişzolaqlı internet xidmətindən istifadə etməklə, dünyanın istənilən nöqtəsi ilə rahat əlaqə yarada biləcəklər.
Ağdaş ərazi vahidliyinə daxili olan Çünzəli kəndində sovet vaxtında da telefon xətti olmayıb. Buna görə də sakinlər həm ölkədaxili, həm də beynəlxalq zənglər zamanı çətinlik çəkirdilər. Bu gün müasir texnologiyaların verdiyi imkanlar hesabına kənddə rabitə sahəsində olan problemlər aradan qaldırılıb, müasir standartlara cavab verən rabitə sistemi qurulub.
Bundan əvvəl isə rayonun dağ kəndlərindən olan Şatırlı, Buravar, Badamağac, Bədirli, Cəfərxanlı və digər kəndlərinə genişzolaqlı rabitə xətləri çəkilib.
Qeyd edək ki, Cəlilabad rayonunda genişzolaqlı internet istifadəçilərinin sayı 3500 nəfərə yaxındır.

Tags:  Cəlilabadın ucqar dağ kəndinə telefon xətti çəkilir


RƏYLƏR


Top news