Bakı, 17 dekabr, AZƏRTAC
Dekabrın 17-də gündüz saatlarında Bakının Sabunçu rayonunda beşmərtəbəli yaşayış binasında yanğın baş verib.
Fövqəladə Hallar Nazirliyindən AZƏRTAC-a bildiriblər ki, hadisə nəticəsində binanın ikinci mərtəbəsində ikiotaqlı mənzilin bir hissəsi ev əşyaları ilə birlikdə yanıb. Yanğınsöndürənlər tərəfindən bir nəfər xilas edilib, 15 sakin isə təxliyə olunub. Mənzilin qalan hissəsi və digər mənzillər yanğından mühafizə edilib və alov söndürülüb.
Hadisə ilə bağlı araşdırma aparılır.
