Aktual mövzular: Dollar alış-satışı , Hava, Məzənnə, Neftin qiyməti

“Kəpəz” Lənkəran səfərindən üç xalla ayrılıb

“Kəpəz” Lənkəran səfərindən üç xalla ayrılıb

"Kəpəz"dən ardıcıl ikinci qələbə (18 Mart 2017 18:33)
Premyer Liqada yubiley ah-havası (18 Mart 2017 09:23)
"Neftçi"ni "İnter" sınağı gözləyir (18 Mart 2017 08:52)

Tarix: 17 Dekabr 2015 17:03


Bakı, 17 dekabr, AZƏRTAC
Dekabrın 17-də Topaz Premyer Liqasında XVII tur çərçivəsində növbəti oyun keçirilib.
AZƏRTAC xəbər verir ki, günün ilk qarşılaşması “Xəzər-Lənkəran” ilə “Kəpəz” komandası arasında oynanılıb.
Turnir cədvəlinin orta sıralarında qərarlaşmış “Kəpəz” liderlərdən uzaq düşməmək üçün Lənkəranda yerli komandaya minimal hesabla qalıb gəlib – 1:0. Cənub təmsilçisindən mövsümün birinci dövrəsində də güclü olan baş məşqçi Şahin Diniyevin yetirmələri ardıcıl üç oyundur ki, meydanı bir xalla tərk edirdilər.
“Xəzər-Lənkəran” isə bu məğlubiyyətlə artıq altı matçdır xala həsrət qalıb. Belə ki, qarşılaşmanın yeganə qolu 66-cı dəqiqədə vurulub. “Kəpəz”in heyətində Şəhriyar Rəhimov fərqlənib.
Beləliklə, xallarının sayını 25-ə yüksəldən “Kəpəz” turnir cədvəlində altıncı pillədən beşinci yerə qalxıb. Hesabında 12 xal olan “Xəzər-Lənkəran” isə doqquzuncu sıradan yaxa qurtara bilməyib.

Teqlər:  Kəpəz Lənkəran səfərindən üç xalla ayrılıb



RƏYLƏR


Top xəbərlər