Aktual mövzular: Dollar alış-satışı , Hava haqqında, Məzənnə, Neftin qiyməti

Türkiyə və Avropa hava məkanlarını bağladı - Rusiya aviasiyasına

Türkiyə və Avropa hava məkanlarını bağladı - Rusiya aviasiyasına

Date: 20 December 2015 10:05

Türkiyə və Avropa ölkələri öz hava məkanlarını Rusiyanın İŞİD mövqelərinə zərbələr endirən uzaq mənzili aviasiyasına bağlayıblar. APA-nın "RİA Novosti"yə istinadən verdiyi xəbərə görə, bu barədə Rusiya Hərbi-Kosmik Qüvvələrinin uzaq mənzili aviasiyası komandanının müavini general-mayor Anatoli Konovalov bildirib.

Onun sözlərinə görə, bu səbəbdən pilotlar uçuşlarını Avropa hüdudlarından kənar marşrutlar üzrə müəyyən etmək məcburiyyətində qalıblar.

"Oleneqorsk  bizim ən şimal nöqtədə yerləşən aerodromumuzdur. Bu, bizə maksimum uzaq nöqtədə yanacaqdoldurmanı havada həyata keçirməyə imkan verir. Döyüş tapşırıqlarının digər marşrutlar üzrə yerinə yetirilməsini istisna edən müəyyən məqamlar olub. Avropa buraxmayıb, Türkiyə də uçuşa icazə verməyib...", deyə Konovalov bildirib.     

O qeyd edib ki, hətta bu cür şəraitdə belə, uzaq mənzili aviasiya sübut etdi ki, verilən tapşırıqları uğurla yerinə yetirməyə qadirdir.    

Milli.Az


Tags:  Türkiyə Avropa hava məkanlarını bağladı Rusiya aviasiyasına


RƏYLƏR


Top news