Aktual mövzular: Dollar alış-satışı , Hava haqqında, Məzənnə, Neftin qiyməti

Qırıcı təyyarə yerə çırpıldı, pilotlar həyatını itirdi (VİDEO)

Qırıcı təyyarə yerə çırpıldı, pilotlar həyatını itirdi (VİDEO)

Date: 20 December 2015 10:16

İndoneziyada aviaşou zamanı ölkənin hərbi hava qüvvələrinin qırıcı təyyarəsi qəzaya uğrayıb. Hadisə zamanı iki pilot həyatını itirib.

ANS PRESS-in məlumatına görə, hadisə Yava adasında Cakarta xüsusi inzibati dairəsinin ərazisində baş verib. Hərbi hava qüvvələrinə məxsus Т-50 Golden Eagle adlı qırıcı təyyarə "səsdən sürətli təyyarə" adlı aviaşou zamanı havaya qalxdıqdan bir az sonra, uçuş-enmə zolağının yaxınlığında müvazinətini itirib və qəzaya uğrayıb. Hadisə nəticəsində qırıcıda olan pilotlardan hər ikisi ölüb. Bu barədə mətbuata müvafiq qurumun rəsmi nümayəndəsi bildirib.

Hadisənin başvermə səbəbləri araşdırılır.


Hadisənin başvermə anı

Bundan əvvəl də aviaşoular zamanı ölüm halları baş verib. Avqust ayının 22-də Böyük Britaniyada aviaşou zamanı “Hoker Hanter” qırıcı təyyarəsi qəzaya uğrayıb.

Hadisə nəticəsində 7 nəfər ölüb, 1 nəfər isə ağır xəsarət alaraq xəstəxanaya yerləşdirilib. Şahidin sözlərinə görə, təyyarə havaya qalxan zaman qəzaya uğrayıb.

Yaxında yerləşən bir neçə avtomobilə toxunaraq, “Hoker” yolun yaxınlığında dayanıb. Hadisə zamanı yolda hərəkət dayandırılmışdı.


Həmin qəzadan görüntü


Tags:  Qırıcı təyyarə yerə çırpıldı pilotlar həyatını itirdi VİDEO


RƏYLƏR


Top news