Aktual mövzular: Dollar alış-satışı , Hava haqqında, Məzənnə, Neftin qiyməti

Plastik əməliyyat zamanı ölən Azərbaycanın məşhur müğənniləri ADLAR

Plastik əməliyyat zamanı ölən Azərbaycanın məşhur müğənniləri ADLAR

Date: 20 December 2015 21:57

Tanınmış müğənni Ayan Babakişiyevanın estetik əməliyyat etdirməsi plastik əməliyyata gedən məşhurlarla bağlı müzakirələri yenidən gündəmə gətirib.

Milli.Az alodoctor.az-a istinadən bildirir ki, bu yazıda estetik cərahiyyənin inkişaf etmədiyi, insanların xarici gözəlliyi ilə deyil, ağlı, zəkası ilə fərqlənməyə çalışdığı dövrdən, daha dəqiq desək, sovet dövründən, bu dövrdə plastik əməliyyat etdirən azsaylı məşhurlardan danışılır.

Nə qədər qəribə olsa da, yaxın keçmişdə ilk dəfə plastik cərahiyyə əməliyyatı etdirən məşhur azərbaycanlı, Azərbaycan Respublikasının xalq artisti, bədii qiraətçi Əminə Yusifqızı olub. O, burnunu əməliyyat etdirərək, estetik görünüşünə əl gəzdirib.

Onun ardınca xalq artitsi, müğənni Flora Kərimova əməliyyat stoluna uzanıb. İfaçı SSRİ dövründə iki dəfə plastik əməliyyat etdirib və hər iki əməliyyat Gürcüstanda baş tutub.

İlk dəfə uğursuz plastik əməliyyatın qurbanı mərhum müğənni Nəzakət Məmmədova olub. Rusiyanın Soçi şəhərində Anatoli Karol adında plastik cərraha müraciət edən sənətçi boynundakı qırışlardan azad olmaq istəyir. Lakin əməliyyat zamanı həkim-dermatoloqun səhvi - bıçağın boğazdakı şah damara dəyməsi müğənninin ölümünə səbəb olur. Nəzakət Məmmədova qanaxmadan dünyasını dəyişir.

Müğənni Reyhan Müslümova isə plastik yolla çəkisini azaltmaq istəsə də, buna nail olmur. Əməliyyat stolunda keçinən müğənniyə əvvəlcədən şəkərinin çox olması səbəbindən ölə biləcəyi xəbərdarlığı edilsə də, o, buna məhələ qoymur. Elə əməliyyat stolundaca dünyasını dəyişir.

Sonda xatırladaq ki, estetik cərahiyyənin inkişaf etməsinə baxmayaraq, hələ də plastik əməliyyat qurbanlarının sayı az deyil. Bu mənada ehtiyatlı olmaq, saxta reklamlara aldanıb, hər yoldan keçən həkimə etibar etmək də lazım deyil.
Milli.Az


Tags:  Plastik əməliyyat zamanı ölən Azərbaycanın məşhur müğənniləri ADLAR


RƏYLƏR


Top news