Bakı, 21 dekabr, AZƏRTAC
Azərbaycan Milli Elmlər Akademiyasının (AMEA) Yer Elmləri Bölməsi və Coğrafiya İnstitutunun birgə iclasında “Coğrafiya İnstitutunun 2015-ci ildə elmi və elmi-təşkilati fəaliyyəti haqqında” illik hesabatı təqdim edilib.
AZƏRTAC xəbər verir ki, iclasa sədrlik edən bölmənin akademik-katibi, akademik Fəxrəddin Qədirov gündəlikdəki məsələlər barədə məlumat verib.
Sonra Coğrafiya İnstitutunun direktoru, akademik Ramiz Məmmədov İnstitutun 2015-ci il üzrə elmi və elmi-təşkilati fəaliyyətinin yekunu haqqında hesabat məruzəsi ilə çıxış edib.
Hidrometeorologiya Elmi-Tədqiqat İnstitutunun direktoru, professor Rza Mahmudov, AMEA Geologiya və Geofizika İnstitutunun şöbə müdiri, akademik Hətəm Quliyev, BDU-nun iqtisadi və sosial coğrafiya kafedrasının müdiri, professor Tapdıq Həsənov və digərləri çıxışlarında İnstitut rəhbərinin hesabatında yer alan inkişaf dinamikasını müsbət qiymətləndiriblər.