Aktual mövzular: Dollar alış-satışı , Hava haqqında, Məzənnə, Neftin qiyməti

Təhsildə metodik xidmətlə bağlı elmi-praktik konfrans keçirilib

Təhsildə metodik xidmətlə bağlı elmi-praktik konfrans keçirilib

Date: 22 December 2015 19:18


Bakı, 22 dekabr, AZƏRTAC 
Təhsil Problemləri İnstitutu (TPİ) “Azərbaycan Respublikasında təhsilin inkişafı üzrə Dövlət Strategiyası və təhsildə metodik xidmət” mövzusunda elmi-praktik konfrans keçirib.
İnstitutdan AZƏRTAC-a bildiriblər ki, təhsil işçilərinin, alim və mütəxəssislərin iştirak etdikləri konfransda TPİ-nin direktoru, hüquq üzrə fəlsəfə doktoru Qulu Novruzov Azərbaycan Respublikasında təhsilin inkişafı üzrə Dövlət Strategiyasının əhəmiyyətindən danışıb.
Direktor, eyni zamanda, mövzu ilə bağlı fikirlərini bölüşüb.
Sonra TPİ-nin şöbə müdiri Afaq Əliyevanın “Azərbaycan Respublikasında təhsilin inkişafı üzrə Dövlət Strategiyası və təhsildə metodik xidmət” mövzusunda elektron təqdimat-məruzəsi dinlənilib.
Təhsilin inkişafı ilə bağlı geniş müzakirələr aparılıb.
Konfransda TPİ-nin “Təhsil Texnologiyaları Mərkəzi”-nin mətbəəsində nəşr olunmuş 20-yə qədər metodiki vəsait, müəllimlərin tədrisdə istifadə edə biləcəyi resurslar və digər elmi nəşrlər də nümayiş etdirilib.

Tags:  Təhsildə metodik xidmətlə bağlı elmi-praktik konfrans keçirilib


RƏYLƏR


Top news