Bakı, 23 dekabr, AZƏRTAC
“Caspian Development Bank” (CDB) ASC Rusiyanın “Promsvyazbank”ı ilə müxbir münasibətləri yaradıb.
Bankdan AZƏRTAC-a bildiriblər ki, açılmış müxbir hesablarına əsasən, bankın müştəriləri üçün geniş bankçılıq xidmətləri təqdim ediləcək və xarici valyutalar üzrə (rubl, ABŞ dolları, avro) xidmətlər daha operativ şəkildə həyata keçiriləcək.
Qeyd edək ki, bankın qarşısında duran prioritet məsələlərdən biri də müxbir şəbəkəsinin inkişafı və optimallaşdırılmasıdır.
