Bakı, 23 dekabr, AZƏRTAC
“Günəşli” yatağındakı 10 nömrəli özüldə baş vermiş qəza ilə əlaqədar Azərbaycan Respublikası Dövlət Neft Şirkətinin (SOCAR) müvafiq idarələrindən “PAŞA Həyat Sığorta” ASC-yə ümumilikdə 57 müraciət daxil olub.
Bu barədə AZƏRTAC-a “PAŞA Həyat Sığorta” şirkətinin mətbuat xidmətinin rəhbəri Elnur Hüseynquluyev bildirib.
“Hazırda şirkət müraciətlər üzrə sığorta ödənişlərinin verilməsi üçün həlak olan və xəsarət alanlarla bağlı müvafiq dövlət qurumlarından lazımi sənədləri toplayır”, - deyə E.Hüseynquluyev vurğulayıb.
