Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

Daha bir şəhər İŞİD-dən geri alınır

Daha bir şəhər İŞİD-dən geri alınır

Date: 24 December 2015 08:21

İraq polisi hökümət qüvvələrinin Ramadi şəhərinin 90 faizdən çox ərazisini İŞİD-dən azad etdiyini bildirib. ABŞ-ın başçılıq etdiyi koalisiyanın bölgədə İŞİD mövqelərinə aviazərbələr endirdiyi bir vaxtda, xüsusi hazırlıq keçmiş anti-terror qoşunları “cihadçıları” şəhərdə sıxışdırmaq üçün irəliləyir. Ənbər vilayətinin paytaxtı sayılan Ramadi şəhəri Bağdaddan 100 kilometr qərbdə yerləşir.

May ayında şəhərin ekstrimistlərin nəzarətinə keçməsi ölkənin ərazi bütövlüyünü bərpa etməyə çalışan Bağdad höküməti üçün ağır zərbə olub. İŞİD-in şəhərdə gözlənilməz mövqelərdə çoxlu sayda snayperləri və terroçu-kamikadzeləri olduğundan, şəhərin azadlığı uğrunda əməliyyatlar buna qədər kifayət qədər az proqressiv olub.

Bu arada BMT-nin Ümumdünya Ərzaq Proqramı İraqda İŞİD-ə qarşı gedən müharibəylə əlaqədar məcburi köçkün düşmüş ailələlər ərzaq yardımını davam etdirir. Humanitar yardıma ən çox ehtiyacı olan insanlar 2014-cü ildə İŞİD-in Sincar şəhərinə hücumu zamanı Sincar dağına sığınmış yezidi kürdləridir. Onların evə çörək gətirmək üçün işləmək imkanı olmadığından, yezidi ailələri yalnız humanitar təşkilatların yardımından asılı qalıb. Dekabrın sonuna kimi Ümumdünya Ərzaq Proqramı bütün İraqda 1.6 milyon məcburi köçkünə ərzaq yardımı və vauçerlərlə təmin etməyi qarşıya məqsəd qoyub.

Tags:  şəhər İŞİD-dən geri alınır


RƏYLƏR


Top news