Bakı, 24 dekabr, AZƏRTAC
Azərbaycan Milli Elmlər Akademiyasının Şamaxı Astrofizika Rəsədxanasının aparıcı elmi işçiləri D. Şestopalov və L. Qolubevanın Kanadanın Vinnipeq Universitetinin professoru E Klutislə birgə hazırladıqları “Optical effects of space weathering in the main belt of asteroids” kitabı Almaniyanın “LAMBERT Academic Publishing” nəşriyyatında çapdan çıxıb.
Rəsədxanadan AZƏRTAC-a bildiriblər ki, kitabda Günəş küləyi protonlarının və mikrometeorit zərbələrinin təsiri nəticəsində asteroidlərin səthinin optik xüsusiyyətlərinin dəyişməsi problemindən və onların səthinin ümumi mineral tərkibinin uzaq məsafədən spektral analizinə bu dəyişmələrin təsirindən bəhs olunur.
