Aktual mövzular: Dollar alış-satışı , Hava haqqında, Məzənnə, Neftin qiyməti

Yüzə yaxın məhbusun əfvi gözlənilir

Yüzə yaxın məhbusun əfvi gözlənilir

Date: 25 December 2015 08:17

Dünya Azərbaycanlılarının Həmrəylik günü və Yeni il münasibətilə növbəti əfv fəramanının imzalanacağı gözlənilir.

Milli.Az anspress-ə istinadən bildirir ki, əfv komissiyası iclaslarını yekunlaşdırıb. Hazırda həbsdə olan əfv ediləcək şəxslərin siyahısı hazırlanıb və yüzə yaxın məhbusun əfvi gözlənilir.

Onlardan bəzisi müxalifət nümayəndələridir. Birgə işçi qurupun iclasının yekununda siyahı prezidentə təqdim ediləcək və onların cəzalarının çəkilməmiş hissəsindən əfv edilməsi xahiş olunacaq.

Əfv Komissiyasının üzvü Çingiz Qənizadə deyib ki, Dünya Azərbaycanlılarının Həmrəylik günü ilə bağlı əfv fərmanının imzalanması gözlənilir.

İclasda Avropa Şurası baş katibi Yaqlandın nümayəndəsini Azərbaycan İnsan Hüquqları üzrə Birgə İşçi Qrupundan geri çağırmasına münasibət bildirildi. Bu addımın əhəmiyyətsiz, anlaşılmaz olduğu vurğulandı.

"Əgər sən Azərbaycana nümayəndə göndərmək istəyirsənsə, niyə onu geri çağırırsan? Geri çağırırsansa, nəyə görə təkrarən nümyəndəni Azərbaycana göndərirsən? Bir daha mən məhz sizin sözlərinizə şərikəm ki, bu bizim işçi qurupudur. Azərbaycan ictimaiyyətinin və dövlətinin iradəsi ilə yaradılıb", - deyə işçi qrupun həmsədri Səməd Seyidov fikrini açıqlayıb.

Əlavə edildi ki, bu qrup Azərbaycanda insan haqları ilə bağlı problemlərin həlli üçün müvafiq qurumlara tövsiyə vermək üçün yaradılıb.

İşçi qrupun üzvü, millət vəkili Azay Quliyev isə bildirdi ki, Azərbaycan İnsan Hüquqları üzrə Birgə İşçi Qrupa qarşı müxtəlif təzyiqlər edilir. Biz isə beynəlxalq təşkilatlarla əməkdaşlığa açığıq.

Əfv fərmanı prezident İlham Əliyevin müstəsna səlahiyyətidir. İndiyədək bu fərmanla 6 minə yaxın məhbus dövlət başçısı tərəfindən əfv olunub.
Milli.Az


Tags:  Yüzə yaxın məhbusun əfvi gözlənilir


RƏYLƏR


Top news