Aktual mövzular: Dollar alış-satışı , Hava, Məzənnə, Neftin qiyməti

Xırdalan məktəbliləri Həmrəylik Günü ilə əlaqədar Tbilisidə konsert veriblər

Xırdalan məktəbliləri Həmrəylik Günü ilə əlaqədar Tbilisidə konsert veriblər

Bayram günlərində metro stansiyalarında konsert olacaq (17 Mart 2017 13:47)
Metroda konsert olacaq (17 Mart 2017 13:13)
Bayram günlərində metroda konsert proramı təşkil olunacaq (17 Mart 2017 11:19)

Tarix: 26 Dekabr 2015 19:03


Tbilisi, 25 dekabr, AZƏRTAC
Bakının Abşeron rayonu Xırdalan şəhər Uşaq Musiqi Məktəbinin kollektivi Gürcüstanda səfərdədir.
Məktəbin şagirdləri Tbilisidə M.F.Axundzadə adına Azərbaycan Mədəniyyəti Muzeyində konsert proqramı ilə çıxış ediblər. Dünya Azərbaycanlılarının Həmrəylik Gününə həsr olunmuş konsertdə məktəblilər Azərbaycanın xalq və bəstəkar mahnılarını ifa ediblər.
Muzeyin elmi işçisi Leyla Əliyeva tədbirin açılışında deyib ki, dünyanın hər yerində olduğu kimi, bu bayram Gürcüstanda da geniş qeyd olunur. Muzey ilə musiqi məktəbi arasında əldə olunmuş razılığa əsasən bu il Xırdalan məktəbliləri gürcüstanlı gənclər qarşısında çıxış edirlər.
Musiqi Məktəbinin direktoru İkram Manafov deyib ki, M.F.Axundzadə adına Azərbaycan Mədəniyyəti Muzeyi ilə əməkdaşlıq çərçivəsində Gürcüstanın müxtəlif musiqi məktəbləri və kollektivləri ilə əlaqələr yaradılıb. O, artıq üçüncü dəfədir ki, Gürcüstana səfər etdiklərini, bu səfərin 31 Dekabr-Dünya Azərbaycanlılarının Həmrəylik Gününə ilə əlaqədar olduğunu bildirib. İ.Manafov səfər çərçivəsində Tbilisidəki musiqi məktəbləri ilə əlaqələr yaradıb musiqimizi təbliğ edəcəklərini diqqətə çatdırıb. Məktəbin kollektivi Xaşuri rayonunda da konsert proqramı ilə çıxış edəcək.
Xətayi Əzizov
AZƏRTAC-ın xüsusi müxbiri
Tbilisi





Teqlər:  Xırdalan məktəbliləri Həmrəylik Günü əlaqədar Tbilisidə konsert veriblər



RƏYLƏR


Top xəbərlər