Aktual mövzular: Dollar alış-satışı , Hava haqqında, Məzənnə, Neftin qiyməti

Əhalinin banklarda olan əmanətləri qorunacaq

Əhalinin banklarda olan əmanətləri qorunacaq

Date: 27 December 2015 06:56

Devalvasiyadan sonra əhalinin banklardakı əmanətlərinin tam olaraq qorunması məsələsi gündəmə gəlib. Bununla bağlı Mərkəzi Bank və Azərbaycan Banklar Assosiasiyası təkliflər hazırlayaraq hökumətə təqdim edib. Təkliflərin həyata keçməsi üçün müəyyən vaxt qoyulub. 3 il ərzində əhalinin bütün əmanətləri qorunacaq.

Əhalinin əmanətlərinin qorunması sisteminin möhkəmləndirilməsi barədə tapşırığı dövlət başçısı gələn ilin büdcəsi ilə bağlı qanunun qüvvəyə minməsinə dair fərmanda qeyd edib. Sənəddə bu təkliflərin prezidentə təqdim olunması üçün 1 ay vaxt təyin edilib. Artıq həmin təkliflər hazırdır və banklarla da müzakirə olunub.

Sənədin ilin sonuna qədər imzalanması nəzərdə tutulur. Əgər bu təkliflər qəbul olunarsa, onda əhalinin banklarda olan bütün pulları 100% qorunmuş olacaq. Fevralda baş verən devalvasiyadan sonra insanlar banklarda olan əmanətlərinin böyük bir hissəsini dollara çevirib. Hazrıda fiziki şəxslərin əmanətlərinin 24%-i manatda, qalanı xarici valyutadadır.

Tags:  Əhalinin banklarda olan əmanətləri qorunacaq


RƏYLƏR


Top news