Müsəlmanlar İŞİD liderini ələ saldılar

"İslam dövləti"nin lideri Əbubəkr Əl-Bağdadinin hamıya tezliklə terrorçu qruplaşmanın sıralarına qoşulmaq çağırışı dünya müsəlmanları tərəfindən istehza ilə qarşılanıb. 

Milli.Az RİA Novosti-yə istinadən bildirir ki, İyad əl-Bağdadi terrorçuların liderinin mesajını tərcümə edərək özünün Twitter-dəki mikrobloqunda yayandan sonra yüzlərlə müsəlman bu çağırışa lağ edib.  

Beləliklə, onlar İŞİD-ə qarşı etirazlarını və sülh dolu bir dinə ibadət etdiklərini bildiriblər. 

"Bazar günü "Ulduz müharibələri"nə baxacam, bəlkə, sonra..." - @my69cents təxəllüslü istifadəçi yazıb. 

Mohamed Djingo @TheDjingo

Sorry, I am busy watching Netflix. https://twitter.com/iyad_elbaghdadi/status/680776223606333440 ...

20:54 - 26 декабря 2015

"Bağışlayın, Netflix kanalına baxıram, məşğulam", - @TheDjingo yazıb.

"Başımı yuyuram", - @falafelandchips təxəllüslü qadın istifadəçi bildirib. 

"İD, bağışlayın. Bu müsəlman təzə oyanıb, qəhvəyə ehtiyacı var. Üstəlik, bu gün Milada görə istirahətdəyik, ailəyə vaxt ayırmaq zamanıdır. Cəhənnəm ol!" -  @SalmanSoz cavab verib. 

"Qaqa, qabları yumalıyam", - @RasheedAB yazıb.

"A kişi, imtahan gəlir e", -  @Aly_Ashraf bildirib. 

"Deyirsiniz, sizə qoşulmalıyam, amma "Lester Siti"nin (İngiltərənin futbol klubu - red.) Liqa çempionu olmasını görməməliyəm? Həyatda olmaz!  -  @anjum_meer hiddətlənib.

"Bağışlayasan, komandir, həkimə gedəsiyəm", - @mark_ignatius cavab verib.

"Tviti çox gec gördüm. Bəlkə, gələn həftə?" - @documaraftab sual edib.

"Hinduşkadan o qədər yemişəm ki, tərpənə bilmirəm. Bəlkə, fevrala qalsın?" - @SteveSteveblog zarafat edib.

"Bağışlayın, uşaqlar. Milad həftəsidir, bütün reyslərə yerlər dolub", - @HelloGeorgeN yazıb.

Milli.Az