Bakı, 28 dekabr, AZƏRTAC
Azərbaycan Respublikasının Nazirlər Kabineti 2016-cı ildə Novruz, Ramazan, Qurban bayramları haqqında Qərar qəbul edib.
AZƏRTAC xəbər verir ki, Qərara əsasən, 20, 21, 22, 23, 24 mart Novruz bayramı, 6,7 iyul Ramazan bayramı, 12,13 sentyabr Qurban bayramıdır. Qanunvericiliyə uyğun olaraq, həmin günlər iş günü hesab edilmir.
Qərar “Azərbaycan Respublikasının Əmək Məcəlləsinə dəyişiklik edilməsi barədə” Azərbaycan Respublikasının 2006-cı il 8 dekabr tarixli 194-IIIQD nömrəli Qanununun tətbiq edilməsi haqqında” Azərbaycan Respublikası Prezidentinin 2006-cı il 18 dekabr tarixli 489 nömrəli Fərmanının 2-ci hissəsinə əsasən, Azərbaycan Milli Elmlər Akademiyasının və Qafqaz Müsəlmanları İdarəsinin məlumatına uyğun olaraq qəbul edilib.