Bakı, 28 dekabr, AZƏRTAC
“Şəmkir” su elektrik stansiyaları silsiləsi (SESS) üzrə noyabr ayında 63,8 milyon kilovat-saata yaxın elektrik enerjisi istehsal edilib. Qeyd edilən həcmdən 45,7 milyon kilovat-saatdan çoxu “Şəmkir” SES-in, 18,1 milyon kilovat-saata yaxını isə “Yenikənd” SES-in payına düşür.
“Azərenerji” ASC-dən AZƏRTAC-a bildirilib ki, bu ilin son üç ayında hidroaqreqatlarda cari təmir işləri həyata keçirilib. “Şəmkir” SES-də istismar edilən, ümumi gücü 380 meqavat olan iki hidroaqreqat saz vəziyyətdədir. Hazırda SES-də olan digər avadanlıq və qurğularda təmir işləri və profilaktik yoxlamalar davam etdirilir.