Aktual mövzular: Dollar alış-satışı , Hava haqqında, Qarabağ, Qəbələ, Məzənnə, Neftin qiyməti

“Odlar yurdu” kompyuter oyunu üzrə turnir keçirilib

“Odlar yurdu” kompyuter oyunu üzrə turnir keçirilib

Azerbaijan`s Odlar Yurdu make successful start to European Chess Club Cup (07 November 2016 22:46)

Date: 29 December 2015 00:48


Bakı, 29 dekabr, AZƏRTAC
Gənclər və İdman Nazirliyi və Azərbaycan Kiber İdman Federasiyası tərəfindən 31 dekabr - Dünya Azərbaycanlılarının Həmrəylik Gününə həsr olunmuş “Odlar yurdu” kompyuter oyunu üzrə turnir təşkil olunub.
AZƏRTAC xəbər verir ki, Azərbaycan, rus və ingilis dillərində hazırlanan oyunda sivilizasiyanın ən qədim ocaqlarından olan ölkəmizin qədim tarixi haqqında maraqlı faktlar yer alıb. Bu strategiya oyunu vasitəsilə gənc iştirakçılar zəngin keçmişimizə səyahət edib, Azərbaycanı qarış-qarış gəzib, xalqımızın yaddaşında əbədi iz qoymuş dahi şəxsiyyətlər və vətənimizin tarixi ilə bağlı dəyərli məlumatlar əldə ediblər.
Üç epizoddan ibarət oyunun hər mərhələsi Azərbaycanın bir məşhur sərkərdəsinə həsr edilib. Bu mərhələlərdə istifadəçilər Atropat, Cavanşır və Babəkin keçdiyi qəhrəmanlıq salnaməsi ilə tanış olublar.
Olimpiya sistemi üzrə keçirilən oyunda ümumilikdə 100-ə yaxın iştirakçı qüvvəsini sınayıb. Yarışın sonunda qaliblər Gənclər və İdman Nazirliyinin və Azərbaycan Kiber İdman Federasiyasının diplomları ilə təltif olunublar.



Tags:  Odlar yurdu kompyuter oyunu üzrə turnir keçirilib



RƏYLƏR


Top news