Aktual mövzular: Dollar alış-satışı , Hava haqqında, Məzənnə, Neftin qiyməti

Əfv edilən qadının anası: "Zəng vurdu ki, ana mənə paltar gətir" (FOTO)

Əfv edilən qadının anası: "Zəng vurdu ki, ana mənə paltar gətir" (FOTO)

Date: 29 December 2015 13:16

Ötən gün prezident İlham Əliyevin imzaladığı əfv sərəncamının icrasına bu gün səhər saatlarından başlayıb. Bayram ərəfəsində imzalanan sərəncam ümumilikdə 210 nəfərə şamil edilib.

Əfv edilənlər arasında 4 qadın da var. ANS PRESS qadınların və onların qohumlarının azadlıq sevincini bölüşmək üçün Ədliyyə Nazirliyi Pentensiar Xidmətin qadın məhkumlar üçün 4 saylı qadın cəzaçəkmə müəsisəsində olub.

Ümumilikdə Prezidentin sərəncamı ilə azadlığını geri qazanan qadınlar bunlardır:

1972-ci ildə anadan olmuş Salmanova Mehparə Yaqub qızı,
1958-ci ildə anadan olan Hüseynova Nailə Ələsgər qızı
1982-ci il təvəllüdlü Nəzərova Ədilə Zəfər qızı
1989-cu ildə Şəmkir rayonunun Könüllü kəndində anadan olmuş Zöhrə Oruc qızı İsgəndərova
1983-cü ildə anadan olmuş Kamboca Krallığının vətəndaşı Sak Makaraya
1993-cü ildə anadan olmuş Qazaxıstan vətəndaşı Nurgül Adilbekovna qızı Baysanovayadır.

Onlardan 3-ü Zöhrə, Sak və Nurgül 4 saylı qadın cəzaçəkmə müəsisəsində cəza çəkiblər.


Müəssisədən əfvə düşənq adınların cəzaları və qalan hissə

Zöhrə İsgəndərovanın anası Həqiqət İsgəndərova ANS PRESS-ə açıqlamasında çox sevinci olduğunu bildirib: "Dünən axşam qızım Zöhrə mənə zəng vurdu ki, ana mənə paltar gətir, sabah azadlığa çıxıram. Bu xəbərə o qədər sevindim ki, gecə səhərə qədər sevindiyimdən dua etmişəm. Qızım 8 il müddətinə azadlıqdan məhrum edilmişdi. Onun 5 ili keçmişdi".



Z.İsgəndərova öz övladını satmaqda ittiham edilərək 8 il müddətinə həbs edilmişdi. Onun övladı isə hazırda uşaq evindədir. "Qızım çıxan kimi onunla birgə övladını görmək üçün uşaq evinə gedəcəyik. Bir müəddətdən sonra isə qızımın öz balasını geri ala bilməsi məhkəməyə müraciət edəcəyik", deyə ana bildirib.


Əhv edilən Zöhrə İsgəndərovanın anası Həqiqət İsgəndərova

Zöhrə və onun anası Həqiqət İsgəndərova

Dövlət başçısı məhkum edilmiş bir sıra şəxslərin, onların ailə üzvlərinin, İnsan hüquqları üzrə müvəkkilin, insan hüquqlarının müdafiəsi təşkilatlarının prezidentə ünvanlanmış əfv haqqında müraciətlərinə baxaraq, məhkumların şəxsiyyətini, səhhətini, ailə vəziyyətini, cəza çəkdikləri müddətdə davranışlarını nəzərə alaraq, humanizm prinsiplərinə əsaslanaraq əfv sərəncamı imzalayıb. Əfv olunan 210 nəfərdən biri futbolçudur. Bu, “Zirə” klubunda çıxış edən Novruzov Nurlan Zahid oğludur.
1993-cü ildə anadan olmuş Nurlan cəzasının çəkilməmiş hissəsindən azad edilib.

1995-ci ildən icra olunan əfv sərəncamının icrası nəticəsində bu günə qədər 5 938 məhbus azadlığına qovuşub. Sonuncu dəfə əfv sərəncamı bu ilin mart ayında - Novruz bayramı ərəfəsində imzalanıb. Sərəncam ümumilikdə 101 nəfərə şamil edilib.
Sərəncama əsasən, azadlıqdan məhrum etmə cəzasına məhkum edilmiş 90 nəfər cəzanın çəkilməmiş hissəsindən, 4 nəfər islah işləri, 7 nəfər isə cərimə cəzasından azad edilib.


Penitensiar Xidmətin 4 saylı qadın cəzaçəkmə müəsisəsi





Qazaxıstan vətəndaşı Nurgül Adilbekovna qızı Baysanovaya


Kamboca Krallığının vətəndaşı Sak Makaraya


Sak Makaraya və Nurgül İskəndərova avtomobildə

Tags:  Əfv edilən qadının anası Zəng vurdu ana mənə paltar gətir FOTO


RƏYLƏR


Top news