Bakı, 29 dekabr, Ramiz Quliyev, AZƏRTAC
Almaniyanın Karlsrue şəhərinin universitetinin mütəxəssisləri tərəfindən layihələndirilən və inşa olunan “fırlanan ev” (Roll It)
insanları elə ilk baxışdan cəlb edir.
AZƏRTAC “Arxinovosti” saytına istinadla xəbər verir ki, silindrik şəkilli ev minimum məkanda zəruri olan əşyaları yerləşdirə bilir.
Kiçik evin daxilində çarpayı, masa və hətta mətbəx də yerləşir. “Fırlanan ev”ə böyük dairədən keçmək mümkündür. Həmin yerdən də buraya təbii işıq düşür.
Evi istənilən yerə aparmaqla, yaşayış yerini dəyişmək olar.
