Aktual mövzular: Dollar alış-satışı , Hava haqqında, Məzənnə, Neftin qiyməti

Barda atışma: 2 ölü xeyli yaralanan var (VİDEO, FOTO)

Barda atışma: 2 ölü xeyli yaralanan var (VİDEO, FOTO)

Date: 1 January 2016 23:06

İsrailin paytaxtı Təl-Əvivin mərkəzində yerləşən bara silahlı hücüm olub.

ANS PRESS-in məlumatına görə, atışmada 2 nəfər öldürülüb daha 8 nəfər isə ağır yaralanıb.

İsrail polisi bütün gücünü səfərbər edərək hadisəni törətmiş şəxsin axtarışlarına başlayıb. İsrail polisinin nümayəndəsi Micky Rosenfeld Dizengof küçəsində yerləşən bara bir nəfər silahlı şəxsin hücüm edərək insanlara atəş açdığını qeyd edib. Onun sözlərinə görə, cinayətkər kiçik ölçülü avtomatla atəş açıb. Hadisə anı müşahidə kamerasına düşüb.



Hadisə şahidləri silahlı şəxsin gənc olduğunu bildirib. Yaralılardan birinin vəziyyəti daha ağırdır. Hadisənin baş vermə səbəbi hələ ki, naməlum olaraq qalır. Cinayətkar hadisə yerindən qaçıb. Hazırda hüquq-mühafizə orqanları hadisənin terror aktı olub-olmamasını araşdırır.



Bir müddət əvvəl Avstriya polisi yeni il qabağı bir çox Avropa paytaxtlarında terror aktlarının təhlükəsi haqqında xəbərdarlıq edib. Avstriya polisinin yaydığı bəyanatda "dost kəşfiyyatı" tərəfindən verilən məlumatda yeni il qabağı bir çox Avropa paytaxtlarında mümkün terror aktlarının gözləndiyi qeyd olunur.



"Bir neçə potensial cinayətkarın adları yada salınmışdı, indiyə qədər aparılan yoxlamalar heç bir konkret nəticə verməyib", - deyə polisin bəyanatında deyilir. Xəbərdə yeni ilə qədər Avropa şəhərlərində partlayışların və ya atışma təhlükəsinin olması qeyd edilir.


Fransa küçələri

Bu il Avropa səs-küylü terror hadisələrindən yan keçməyib. Noyabrda Paris və ətrafında törədilən silsilə partlayışlar və silahlı hücumlar nəticəsində ən azı 153 nəfərin həyatına son qoyub. Gecə saatlarında yaşanan zəncirvari terror aktları paytaxt sakinlərinin təşvişinə səbəb olub. Terrorçuların əlaqələndirilmiş şəkildə həyata keçirdiyi terror aktlarının, partlayış və avtomat silahlarla edilən hücumların əsas hədəfləri “Bataclan” incəsənət mərkəzi və onun konsert zalı, "Kamboca" restoranı, “Le Karilyon” barı, “Les Halz” ticarət mərkəzi, "Bellek Ekip" barı və Fransa və Almaniya arasında futbol üzrə yoldaşlıq matçının keçirildiyi və ölkə başçısı Fransua Ollandın da həmin matçda tamaşaçı qismində iştirak etdiyi “Stad De Fransa” stadionun qarşısı olub.


Hadisə baş verən ərazi xəritədə

Tags:  Barda atışma ölü xeyli yaralanan var VİDEO FOTO


RƏYLƏR


Top news