Bakı, 2 yanvar, AZƏRTAC
“Nar” mobil operatoru 2016-cı ildə LTE şəbəkəsini daha da genişləndirərək “LTE Advanced” texnologiyasını (ITE-A) təqdim etməyi planlaşdırır.
Şirkətdən AZƏRTAC-a bildirilib ki, yeni texnologiya internetdən 200 meqabayt saniyə sürətində istifadə etməyə şərait yaradacaq.
Qeyd edək ki, “Nar” mobil operatoru ölkədə 4G (LTE) və 3G (HSDP+) şəbəkəsini təqdim edir. Ötən 2 ildə mobil operator şəbəkə həcminin 2 dəfədən çox artırılmasına nail olub. LTE şəbəkəsindən istifadə etmiş abunəçilərin sayı isə 10 mini ötüb.