Ağsu, 3 yanvar, AZƏRTAC
Ağsu rayonunda payızlıq taxıl əkini sahələrinin zərərvericilərdən qorunması istiqamətində tədbirlər gücləndirilir.
Rayon bitki mühafizə idarəsindən AZƏRTAC-a bildiriblər ki, mütəxəssislər tərəfindən qısa vaxtda 9300 hektar taxıl sahəsin dəyoxlamalar aparılıb, 1220 hektarda siçanabənzər gəmiriçilər aşkar olunub. Zərərvericilərlə sirayətlənən sahələrdə artıq mübarizə tədbirləri görülür. Bu məqsədlə Respublika Bitki Mühafizə Mərkəzindən kifayət qədər preparat gətirilib. İndiyədək 534 hektarda kimyəvi dərmanlama aparılıb. Hazırda bu iş davam etdirilir.
