Aktual mövzular: Dollar alış-satışı , Hava haqqında, Məzənnə, Neftin qiyməti

Moskva Tehrandan üz döndərir?

Moskva Tehrandan üz döndərir?

Date: 5 January 2016 09:32

"İranla Səudiyyə Ərəbistanı arasında inkişaf edən böhran ağır fəsadlara yol açacaq".

Milli.Az bildirir ki, bu sözləri Axar.az-a açıqlamasında politoloq İlqar Vəlizadə deyib. Ekspert belə bir vəziyyətdə Rusiyanın İranı dəstəkləməyəcəyini bildirib:
 
"İranla Səudiyyə Ərəbistanı arasındakı bu münaqişə çoxsaylı problemlərə gətirib çıxaracaq. Söhbət açıq münaqişədən gedir. Belə bir vəziyyətdə Səudiyyəni bütün ərəb aləmi dəstəkləyə bilər. Burada maraqlı bir məqam ondan ibarətdir ki, Rusiya aşkarcasına İranı dəstəkləməyəcək. Əksinə, bir çox hallarda münaqişənin tənzimlənməsi üçün öz vasitəçiliyini təklif edəcək. Moskvanın belə bir addım atmasında əsas səbəb isə öz siyasi maraqlarını güdməsindən qaynaqlana bilər".
 
Politoloq hesab edir ki, İranla Səudiyyə arasında davam edən böhran Rusiyanın Suriyadakı mövqelərinə ciddi təsir göstərməyəcək:
 
"Əksinə, Moskva münaqişədən maksimum dərəcədə məsafə saxlamağa çalışacaq. Çünki bu münaqişədə Rusiyanın mövqelərinin zəifləməsi Kremlin Suriya siyasətinə mənfi təsir göstərə bilər".

Milli.Az


Tags:  Moskva Tehrandan üz döndərir


RƏYLƏR


Top news