Əməkdar artist Zöhrə Abdullayeva maddi imkansızlıqdan, toyların azlığından şikayətlənib.
Milli.Az-ın axşam.az-a istinadən verdiyi məlumata görə, müğənni "Duz və istiot" verilişində ailədə kişinin işləməsinin vacibliyindən danışıb:
"Qadının işləməsi vacibdir. Amma evdə kişinin çalışması daha önəmlidir. Ev xanımı ver yeyim, ört yatım edir. Bizdə müğənnilərin hamısı zəhmətkeşdir. Biz xalqdan dolanırıq. Maaşımız yoxdur, toydan qazanırıq. Fikirləşirik ki, sabah toy olmasa, necə dolanacağıq. Bu faciədir.
Allah heç kimi həyat yoldaşısız etməsin. Ömrüm boyu ər çörəyi yemək istəmişəm. Allah mənə cəmi 14 il ər çörəyi qismət etdi. Sonra dedi bəsindir, özün qazan, özün ye. Allahın bildiyi məsləhətdir, amma heç olmasa, mənə toy yetirsin də... Allah mənə ruzini "misqalla" verib.
Əvəzində xalq sevgisi yetirib. Amma bununla da qarın doymur".
Milli.Az
