Aktual mövzular: Dollar alış-satışı , Hava haqqında, Məzənnə, Neftin qiyməti

Məktəbdə intihara cəhd edən direktor müavini öldü

Məktəbdə intihara cəhd edən direktor müavini öldü

Date: 7 January 2016 19:17

Neftçala rayonunda özünü yandıran məktəb direktorunun müavini xəstəxanada ölüb.

Milli.Az xəbər verir ki, report-un məlumatına görə, Neftçala şəhər 4 saylı tam orta məktəbində təsərrüfat işləri üzrə direktor müavini işləyən, 63 yaşlı Alik Mustafa oğlu Novruzovu Bakıdan dəvət olunan həkim və mütəxəssislər müayinə ediblər.

Neftçala Rayon Mərkəzi Xəstəxanasının (RMX) baş həkimi Telman Zahidov bildirib ki, xəstənin vəziyyətinin ağır olduğundan Bakıya göndərilməsi mümkün olmayıb:

"Respublika Yanıq Mərkəzindən xəstəxanaya həkim və mütəxəssislər çağırılıb və onlar Alik Novruzovu müayinə ediblər. Müalicə işləri düzgün aparılıb. Sadəcə, xəstənin vəziyyəti ağır olduğundan onun həyatını xilas etmək mümkün olmayıb".

Qeyd edək ki, Neftçala şəhərinin M.Ə.Rəsulzadə küçəsində yaşayan, şəhər 4 saylı tam orta məktəbində təsərrüfat işləri üzrə direktor müavini işləyən A.Novruzov məktəbin qazanxanasında özünə od vuraraq yandırıb.

Bundan xəbər tutan məktəbin pedaqoji kollektivinin səyi nəticəsində alov söndürülüb və hadisə yerinə gələn təcili yardım maşını ilə A.Novruzov Neftçala RMX-ya çatdırılıb. Ona 4 dərəcəli termiki total yanığı alıb. Dörd qız atası olan Alik Novruzovun külli miqdarda borcu olduğu üçün özünü yandırdığı ehtimal olunur.

Faktla bağlı araşdırma aparılır.

Milli.Az


Tags:  Məktəbdə intihara cəhd edən direktor müavini öldü


RƏYLƏR


Top news