Aktual mövzular: Dollar alış-satışı , İstanbulda terror, Hava haqqında, Məzənnə, Neftin qiyməti

İstanbul-Bakı aviareysi təxirə salındı

İstanbul-Bakı aviareysi təxirə salındı

Date: 9 January 2016 10:11

Türkiyənin “Türk Hava Yolları” (THY) aviaşirkəti yenidən əlverişsiz hava şəraitinə görə İstanbul-Bakı aviareysini təxirə salıb.

ANS PRESS-in Türkiyə mətbuatına istinadən verdiyi məlumata görə qonşu ölkədə bu gün ümumilikdə 31 aviareys təxirə salınıb.




Təxirə salınan aviareyslər arasında İstanbul-Brüssel, İstanbul- Batumi, İstanbul-Budapeşt və İstanbul-Napoli reysləri də var.

Bundan əvvəl də qonşu ölkədə bənzər hal qeydə alınmışdı. “Türk Hava Yolları” (THY) “Atatürk” hava limanında gözlənilən fırtına səbəbindən 2016-cı il 6-7 yanvar tarixlərində həyata keçiriləcək 84 uçuşu təxirə salıb. Bu barədə THY-nin rəsmi internet saytında məlumat yayılıb.

Bu çərçivədə 07.01.2016-cı il tarixdə saat 08.15-də İstanbul “Atatürk” hava limanından Bakı Heydər Əliyev Beynəlxalq aeroportuna nəzərdə tutulan və 07.01.2016-cı il tarixdə saat 04.45-də Heydər Əliyev Beynəlxalq aeroportundan İstanbul “Atatürk” hava limanına nəzərdə tutulan reys ləğv olunub.





2015-ci ilin son günlərində isə yəni 30-31 dekabrda İstanbulda müşahidə olunan çovğunla əlaqədar 142 təyyarə reysi təxirə salınıb. Təxirə salınan reyslər arasında Azərbaycanın paytaxtı Bakıya nəzərdə tutulan uçuşlar da var idi.


THY təyyarəsi


Tags:  İstanbul-Bakı aviareysi təxirə salındı



RƏYLƏR


Top news