Bakı, 12 yanvar, AZƏRTAC
Azərbaycan Respublikası Dövlət Neft Şirkəti (SOCAR) 2015-ci ilin dekabrında dövlət büdcəsinə 75 milyon 320 min manat vəsait ödəyib. 2015-ci ildə isə SOCAR büdcəyə 1 milyard 480 milyon 195 min manat vəsait köçürüb.
SOCAR-ın mətbuat xidmətindən AZƏRTAC-a bildirilib ki, keçən ilin dekabrında şirkət Dövlət Sosial Müdafiə Fonduna 12 milyon 688 min manat vəsait köçürüb. Bu göstərici 2014-cü ilin dekabr ayı ilə müqayisədə 982 min manat və ya 108,4 faiz çoxdur. 2015-ci ildə isə SOCAR tərəfindən Dövlət Sosial Müdafiə Fonduna ödəniş 139 milyon 294 min manat təşkil edib.
