Aktual mövzular: Dollar alış-satışı , Çempionlar Liqası, Hava haqqında, Məzənnə, Neftin qiyməti

BMT-nin Sivilizasiyalar Alyansı üzrə ali nümayəndəsi Azərbaycan hökumətinə təşəkkür edib

BMT-nin Sivilizasiyalar Alyansı üzrə ali nümayəndəsi Azərbaycan hökumətinə təşəkkür edib

Date: 14 January 2016 19:23


Bakı, 14 yanvar, AZƏRTAC 
Xəbər verdiyimiz kimi, Mədəniyyət və Turizm Nazirliyinin beynəlxalq əməkdaşlıq şöbəsinin müdiri, BMT-nin Sivilizasiyalar Alyansının 7-ci Qlobal Forumunun Təşkilat Komitəsinin katibi Vasif Eyvazzadə Nyu-Yorkda səfərdədir.
Mədəniyyət və Turizm Nazirliyindən AZƏRTAC-a bildirilib ki, yanvarın 16-dək davam edəcək səfərin məqsədi BMT-nin Sivilizasiyalar Alyansının rəhbərliyi ilə görüşlər keçirmək və qurumun qərargahında Sivilizasiyalar Alyansının əlaqələndiricilərinin “İnamın yaradılması: zorakı ekstremizmin qarşısının alınması istiqamətində əlaqələr” mövzusunda təşkil etdikləri görüşdə iştirak etməkdir.
Səfər çərçivəsində V.Eyvazzadə BMT-nin Sivilizasiyalar Alyansı üzrə ali nümayəndəsi Nassir Abdulaziz Al Nasser ilə görüşüb. Ali nümayəndə BMT-nin Sivilizasiyalar Alyansına və ümumiyyətlə dünyada mədəniyyətlərarası dialoqa dəstəyinə və töhfələrinə görə Azərbaycan hökumətinə və ölkə rəhbərinə təşəkkürünü bildirib. O, bu il aprelin 25-dən 27-dək Bakıda keçiriləcək BMT-nin Sivilizasiyalar Alyansının 7-ci Qlobal Forumuna təşkilatın ən yüksək səviyyədə hazırlaşdığını qeyd edib.
V.Eyvazzadə Foruma ev sahibi ölkə kimi Azərbaycanın yüksək səviyyədə hazırlıq işləri gördüyünü, Prezident İlham Əliyevin Nazirlər Kabinetinin 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunan iclasında sivilizasiyalar və mədəniyyətlərarası dialoq məsələlərinə, xüsusilə də Forumun əhəmiyyətinə toxunduğunu, habelə müvafiq Sərəncamı ilə 2016-cı ili “Multikulturalizm ili” elan etdiyini və bununla bağlı Tədbirlər Planı hazırlanacağını diqqətə çatdırıb. Qeyd edilib ki, Foruma ev sahibliyi edən ölkənin həmin ili BMT-nin Sivilizasiyalar Alyansının ideyalarına həsr etməsi alyansın tarixində ilk belə hadisədir.
Görüşdə mart ayında Forumun BMT-nin baş qərargahında təqdimatı, Sivilizasiyalar Alyansının nümayəndə heyətinin Azərbaycana səfəri, “Multikulturalizm ili” ilə bağlı əməkdaşlıq barədə fikir mübadiləsi aparılıb.

Tags:  BMT-nin Sivilizasiyalar Alyansı üzrə ali nümayəndəsi Azərbaycan hökumətinə təşəkkür edib


RƏYLƏR


Top news