Türkiyədə Şanlıurfa vilayətinin Siverek şəhərində şagirdləri daşıyan avtobus aşıb.
Trend-in Türkiyə KİV-lərinə istinadən verdiyi məlumata əsasən, nəticədə şagirdlərdən biri həyatını itirib, qalan 14 nəfər isə yaralanıb.
Qeyd olunur ki, yaralananlar dərhal xəstəxanaya çatdırılıb.
Həmçinin, Kocaeli vilayətində minik avtomobili ilə mikroavtobus toqquşub. Qəza minik avtomobil sürücüsünün idarəetməni itirməsi səbəbindən baş verib: avtomobil qarşı yola çıxaraq mikroavtobusa çırpılıb.
Qəza nəticəsində 10 nəfər yaralanıb. Yaralılar xəstəxanaya çatdırılıb.
Milli.Az
