Bakı, 15 yanvar, Elvin Camalov, AZƏRTAC
Yanvarın 16-da İstanbulda gözlənilən fırtınalı hava şəraiti ilə əlaqədar “Türk Hava Yolları” (THY) İstanbul-Bakı aviareysini təxirə salıb.
AZƏRTAC xəbər verir ki, bu barədə “Türk Hava Yolları”nın rəsmi saytında yerləşdirilmiş məlumatda deyilir.
Məlumata görə yanvarın 15-16-da İstanbul Atatürk Aeroportundan həyata keçirilən uçuşlar fırtınalı hava şəraiti ilə əlaqədar təxirə salınıb.
Qeyd edək ki, kəskin hava şəraiti ilə əlaqədar THY yanvarın 16-da ümumilikdə 49 aviareysi müvəqqəti dayandırıb.
