Bakıda piyada zebraya çıxdı, maşınlar toqquşdu - VİDEO

Bakıda piyada zebraya çıxdı, maşınlar toqquşdu - VİDEO
09:52 2 Yanvar 2015
91 Digər
Ölkə mətbuatı
A- A+

Ara məsafəsi saxlamayan, yol nişanlarına əhəmiyyət verməyən sürücülər mütləq baxsınlar

Sükan arxasında olarkən qarşıdakı nəqliyyat vasitələri ilə ara məsafəsi saxlamayan, yol nişanlarına əhəmiyyət verməyən sürücülər bu videoya mütləq baxsınlar. Çünki çox maraqlı və gündəlik rast gəlinən bir mənzərənin şahidi olacaqlar…

Adətən Bakının yollarında sıxlıq müşahidə olunur və bu zaman ara məsafəsi saxlamaq unudulur. Səbəbi məlumdur; bir balaca ara məsafəsi saxlayan kimi kimsə sağdan-soldan özünü iki maşının arasına soxmağa çalışacaq və bu da əsəbləşməyə, hətta əlbəyaxa davaya səbəb olacaq. Ən yaxşı halda bir-birlərini siqnal vasitəsilə söyüb gedəcəklər.

Daxili İşlər Nazirliyinin "Təhlükəsiz şəhər" Avtomatlaşdırılmış İdarəetmə Mərkəzinin kameraları vasitəsilə qeydə alınan bu yol-nəqliyyat hadisəsi "Gənclik" metrostansiyası yaxınlığında – Koroğlu Rəhimov küçəsində baş verib. Milli.Az avtosfer.az-a istinadən bildirir ki, velosipedlə hərəkət edən piyada qaydalara tam əməl edərək yolu keçərkən velosipeddən düşür və yeriyərək yolu keçir. Özü də zebra kimi tanıdığımız piyada keçidindən. İş o yerə çatır ki, piyada öz yolunu qorxa-qorxa gedir. Elə qorxmağa haqqı da varmış. Maşınlardan biri dayanıb piyadaya yol vermək istəyərkən arxadan başqa maşın onu vurur.
Artıq hər şey göz qabağındadır. İndi baxsınlar görək ara məsafəsi lazımdır, ya yox?



Milli.Az


Xəbərin orijinal ünvanı: http://news.milli.az/video/316868.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR